चितवनका ३ जना खेलाडीलाई सम्मान गरियो ।

नेपाल सितोरियो करांते संघ केन्द्रिय कार्यालयको आयोजनामा चितवनका ३ जना खेलाडीलाई सम्मान गरिएको छ । लुम्बिनीमा भएको ३९ आँै राष्ट्रिय सितोरियो कराँते प्रतियोगिता २०१३ का काश्य पदक विजेता चितवनका ३ जना खेलाडीलाई संघले एक कार्यक्रम गरी  सम्मान गरेको हो । सम्मानित हुनेहरुमा खेलाडीहरु ५० किलो तौल समुहमा उमा श्रेष्ठ , ६१ किलो तौल समुहमा मोनिका गुरुङ र ७५ किलो तौल समुहमा कृष्ण चौधरी रहेका छन । मध्यमाञ्चल क्षेत्रीय करांते प्रमुख गगन लामा प्रमुख अतिथी रहनु भएको सो सम्मान कार्यक्रमको सभापति संघका चितवन शाखा अध्यक्ष कपिल पाण्डे रहनु भएको थियो । कार्यक्रममा संघका सचिव चित्र बहादुर रानामगर , चितवन जिल्ला खेलकुद विकास समिति अध्यक्ष उत्तम गुरुङ , सहायक प्रशिक्षक टार्जन श्रेष्ठ लगायतले सम्मानित खेलाडीहरुलाई बधाइ दिएका थिए । लुम्बिनीमा प्रतियोगिता यही चैतको पहिलो साता संचालन भएको थियो ।